Летувалиште — археолошко наоѓалиште во преспанското село Претор. Претставува населба од доцноантичко време. Со изградбата на туристички објекти, како и со интензивното садење на овоштарници во околината на селото, биле откривани темели од објекти, градени од камен и варов малтер, а во некои од нив мозаични подови. Денес на површината се среќаваат фрагменти од керамички садови, питоси и градежен материјал.